Hindistanda iki yol qəzasında 13 nəfər həlak olub
Bakı, 22 yanvar, AZƏRTAC
Çərşənbə günü Hindistanın cənubundakı Karnataka ştatında baş verən iki yol qəzasında azı 13 nəfər ölüb, 20-yə yaxın insan yaralanıb.
AZƏRTAC Sinxua agentliyinə istinadla xəbər verir ki, polis orqanlarının məlumatına görə, yerli vaxtla saat 05:30 radələrində Karvar şəhərində yük maşınının aşması nəticəsində 9 nəfər ölüb, 10 nəfər isə xəsarət alıb. Onların hamısı yaxınlıqdakı topdansatış bazarına tərəvəz məhsulları daşıyan satıcılar olub.
Yaralılardan bəzilərinin vəziyyəti ağır olduğundan ölənlərin sayı arta bilər.
Həmin gün Rayçur rayonunda içərisində 15 nəfərin olduğu avtomobil qəzaya uğrayıb. Üçü tələbə olmaqla dörd nəfər ölüb, 10 nəfər isə yaralanıb.
Bölmənin digər xəbərləri
