Hindistanda vergi ödəməyin orijinal üsulu tapılıb
Bakı, 13 iyul, AZƏRTAC
Dünyanın hər yerində vergiödəyicilərinin öz öhdəliklərini könüllü və sədaqətlə yerinə yetirmələri üçün müxtəlif yollar axtarılır, fərqli üsullardan istifadə olunur. Bu baxımdan Hindistan hökumətinin verdiyi qərar daha orijinaldır.
AZƏRTAC xarici KİV-lərə istinadla xəbər verir ki, Hindistanda əhalini vergi ödəməyə təşviq etmək üçün vergi ödəməkdə seçilən vətəndaşların adları küçələrə, meydanlara, təşkilatlara, binalara və qatarlara veriləcək.
Qeyd edək ki, araşdırmaya görə, təxminən 1,3 milyard nəfər əhalisi olan Hindistanda 2017-2018-ci illərdə təkcə 41 milyon nəfər vergi ödəyib.
Bölmənin digər xəbərləri
