HİNDİSTANIN QODAVARİ ÇAYINDA FACİƏ
Xarici informasiya agentlikləri xəbər verir ki, avqustun 27-də Hindistanın qərbindəki Qodavari çayında induistlərin ənənəvi dəstəmazı zamanı yaranmış basırıq nəticəsində 21 nəfər həlak olmuş, 70-dək adam yaralanmışdır. Faciə bir neçə milyon dindarın toplaşdığı Nasik şəhəri yaxınlığında baş vermişdir.
İnduistlər Qodavarini də Qanq çayı qədər müqəddəs sayırlar. Hinduizm qanunlarına görə, bu çayda çimib dəstəmaz almaqla günahları yumaq və həyata yenidən pak başlamaq olar. Bu il Hindistanda iyulun axırlarında başlayan dəstəmaz mövsümü sentyabrın 1-də sona yetəcəkdir. Mərasimdə bütün ölkədə təxminən 60 milyon dindar iştirak edir.
Bölmənin digər xəbərləri
