İçərisində Türkiyə Daxili İşlər nazirinin olduğu helikopter məcburi eniş edib

04.06.2019 [14:10]
Çap et
A⁺ A^-

Ankara, 4 iyun, AZƏRTAC

İçərisində Türkiyənin daxili işlər naziri Süleyman Soylunun olduğu helikopter Borusan hava limanına məcburi eniş edib.

AZƏRTAC Türkiyə KİV-lərinə istinadla xəbər verir ki, Ramazan bayramı tətilləri ilə bağlı Balıkesir və Bursa ərazilərindəki şoselərdə nəqliyyatın hərəkətini yoxlayan nazir İstanbula qayıdarkən helikopterdə problemlər yaranıb. Əlverişsiz hava şəraiti helikopterin məcburi enişinə səbəb olub. Nazir İstanbula avtomobillə qayıtmaq məcburiyyətində qalıb.

Qeyd edək ki, Ramazan bayramı tətilləri ilə bağlı Türkiyənin bütün şoselərində böyük tıxaclar yaranıb. Hava şəraitinin pisləşməsi qəzaların daha da artmasına səbəb olub.

Sabir Şahtaxtı

AZƏRTAC-ın xüsusi müxbiri

Ankara