İcma sədri: Şübhə etmirik ki, Türkiyə Qərbi Azərbaycan məsələsində də ölkəmizin yanında olacaq
Bakı, 18 oktyabr, AZƏRTAC
Azərbaycan torpaqlarını işğaldan azad edən zaman qardaş Türkiyənin çox böyük siyasi və mənəvi dəstəyi oldu. Biz qardaş Türkiyənin bu dəstəyini hər zaman hiss etmişik.
AZƏRTAC xəbər verir ki, bu sözləri jurnalistlərə müsahibəsində Qərbi Azərbaycan İcmasının İdarə Heyətinin sədri, Milli Məclisin deputatı Əziz Ələkbərli söyləyib.
O qeyd edib ki, Qərbi Azərbaycana qayıdış dövlətimiz, xalqımız üçün prioritet məsələlərdən biridir. Şübhə etmirik ki, qardaş Türkiyə bu mövzuda da Azərbaycanın yanında olacaq.
Türkiyə ərazisində xeyli sayda Qərbi Azərbaycan əsilli vətəndaşımızın yaşadığını vurğulayan deputat deyib: “1918-1920-ci illərdə Qərbi azərbaycanlıların soyqırımı zamanı xeyli sayda soydaşımız Türkiyədə məskunlaşdı. Bu, sovet hakimiyyətinin ilk illərində, hətta sonralar da baş verib. Hesab edirik ki, həmin insanların da öz yurdlarına qayıtmaq hüququ var. Bu, bizim məsələmiz olmaqla yanaşı, eyni zamanda, Türkiyənin məsələsidir".
Bölmənin digər xəbərləri
