İki rusiyalı üzgüçünün Olimpiadada çıxışına qadağa qoyulub
Bakı, 16 iyul, AZƏRTAC
Beynəlxalq Üzgüçülük Federasiyası Olimpiadada iştirak etməli olan iki rusiyalı üzgüçünün çıxışına qadağa qoyub.
AZƏRTAC xəbər verir ki, söhbət Veronika Andrusenko ilə Aleksandr Kudaşevdan gedir. Hər iki idmançı antidopinq qaydalarını pozmaqda ittiham olunur.
A.Kudaşev Olimpiadada 200 metr məsafəyə batterflay, V.Andrusenko isə sərbəst üsulla estafet yarışlarında mübarizə aparmalı idi.
Rusiya Milli Olimpiya Komitəsi məsələ ilə bağlı bəyanat yayaraq üzgüçüləri sona qədər müdafiə edəcəyini bildirib.
Bölmənin digər xəbərləri
