İLİK TRANSPLANTASİYASI UĞURLA KEÇDİ
İliyin transplantasiyası üzrə Azərbaycanda ilk dəfə keçirilən cərrahiyyə əməliyyatı uğurla başa çatmış və kəskin leykozdan əziyyət çəkən xəstə oktyabrın 22-də Mərkəzi Klinik Xəstəxana nəzdində fəaliyyət göstərən iliyin transplantasiyası mərkəzindən evə buraxılmışdır. Xəstə hələ uzun müddət hematoloq Valeh Hüseynovun nəzarəti altında olacaqdır. V.Hüseynov AZƏRTAC-ın müxbirinə bildirmişdir ki, əməliyyatı Azərbaycan və Türkiyə həkimləri birgə aparmışlar. Ankaradakı Nümunəvi Xəstəxananın professoru Süleyman Dinçərin bu işdə böyük rolu olmuşdur. Azərbaycan həkimləri və tibb bacıları onun rəhbərliyi ilə təcrübə keçmişlər.
Xəstənin donoru onun doğma bacısı olmuşdur. Valeh Hüseynov təəssüflə demişdir ki, xəstələrin bir çoxu mərkəzə olduqca gec müraciət edirlər. Hazırda xəstəliyin daha yüngül formalarını keçirən ayrı-ayrı xəstələrdə transplantasiya əməliyyatı aparılması imkanları öyrənilir.
Bölmənin digər xəbərləri
