İNGİLTƏRƏ MƏKTƏBLİLƏRİNİ RENTGENLƏ YOXLAYACAQLAR

02.08.2004 [16:44]
Çap et
A⁺ A^-

AZƏRTAC-ın xarici informasiya agentliklərindən aldığı xəbərdə deyilir ki, Britaniya məktəblərində şagirdlərin üstündə olan bıçaqları axtarıb tapmaq üçün rentgen detektorundan istifadə ediləcəkdir. London polisinin başçısı ser Con Stivens öz məktəblərində təhlükəsizliyin təmin olunması ilə bağlı problemlərlə üzləşən direktorlara şagirdlərin üstünü axtarmaq üçün xırda rentgen detektorlarından istifadə etməyi məsləhət görmüşdür.

Birinin qiyməti 100 min funt sterlinq olan aparatdan şagirdlərin çantalarında və ciblərində gizlətdikləri bıçaqları axtarıb tapmaq üçün istifadə ediləcəkdir.

Ötən ilin noyabr ayında məktəblərdən birində 14 yaşlı şagird qətlə yetirildikdən sonra belə bir təşəbbüs irəli sürülmüşdür. Bu qətli törədən 16 yaşlı məktəbli ötən həftə mühakimə olunmuşdur. Britaniya statistikasına görə, Krallığın məktəblərində şagirdlərin dörddə bir hissəsi üstündə soyuq silah gəzdirir.

İNGİLTƏRƏ MƏKTƏBLİLƏRİNİ RENTGENLƏ YOXLAYACAQLAR

MÜƏLLİFLƏ ƏLAQƏ