İNSANLARIN SAĞLAMLIĞI NAMİNƏ
ABŞ Dövlət Departamenti tərəfindən maliyyələşdirilən bu təşkilatın fəaliyyəti əsasən qaçqınlara, məcburi köçkünlərə və əhalinin aztəminatlı təbəqələrinə maliyyə yardımı göstərməyə yönəldilmişdir.
Təşkilatın nümayəndələri klinikalarda monitorinqlər təşkil edir, evdə xəstələrə baş çəkir, tibb işçiləri üçün elmi-praktik seminarlar keçirir, müasir dərmanlar barədə onlara məlumat verirlər.
Şəhər onkoloji dispanserinə xüsusi yardım göstərilmişdir. Dispanserin baş həkimi Eldar Məmmədovun sözlərinə görə, IRD-nin rəsmi nümayəndəsi Kerri Oberndorfer üç dəfə burada olmuşdur. İmkansız xəstələr üçün bahalı, dava-dərmanların alınmasına təşkilatın göstərdiyi kömək misilsizdir. Bundan əlavə, IRD təmənnasız olaraq dispanserə onkoloji xəstələr üçün funksional çarpayılar, müxtəlif reaktivlər, tibbi təcrübələr üçün testlər, cərrahiyyə əməliyyatları aparmaqdan ötrü ləvazimat vermişdir.
Ümumiyyətlə, 1999-cu ildən respublikamızda fəaliyyət göstərən IRD humanitar təşkilatı Sumqayıtın 14 tibb müəssisəsi ilə uğurla əməkdaşlıq edir.
