İNSTİTUTUN İKİNCİ KORPUSU İSTİFADƏYƏ VERİLMİŞDİR
Təhsilin fundamental problemləri ilə məşğul olan bu elm ocağı respublikamızda həyata keçirilən təhsil islahatlarına uyğun olaraq, ölkəmizin Prezidentinin Fərmanı ilə üç il bundan öncə yaradılmışdır.
Təhsil Nazirliyinin qayğısı sayəsində qısa müddətdə institutda iş şəraiti yaxşılaşdırılmış, informasiya-kommunikasiya texnologiyalarının, müasir texnikaların və avadanlığın tətbiqi diqqət mərkəzində saxlanılmışdır. Dünya Bankının ayırdığı vəsaitin bir hissəsinin hesabına burada geniş təmir işləri görülmüşdür.
Bu münasibətlə keçirilən mərasimdə İnstitutun direktoru, professor Abdulla Mehrabov ölkəmizdə elm və təhsilin inkişafına xüsusi diqqət yetirildiyini vurğulamış, rəhbərlik etdiyi kollektivə göstərilən qayğıya görə razılığını bildirmişdir.
Təhsil naziri Misir Mərdanov Dünya Bankının ayırdığı növbəti kreditdən bu institutun maddi-texniki bazasının möhkəmləndirilməsi üçün istifadə ediləcəyini diqqətə çatdırmış və kollektivə uğurlar arzulamışdır.
Sonra tədbir iştirakçıları buranın iş şəraiti ilə yaxından tanış olmuşlar.
Bölmənin digər xəbərləri
