“İNTERNET-BANKİNQ” YENİ XİDMƏT NÖVÜDÜR
ABB-nin mətbuat xidmətindən AZƏRTAC-a verilən məlumata görə, indi Beynəlxalq Bankın müştəriləri telefon, şəhərlərarası və beynəlxalq danışıq borclarını evdən çıxmadan ödəyə bilərlər. ABB ölkədə müştərilərinə “İnternet-bankinq” xidməti təqdim edən ilk bankdır. Xidmətdən ABB-nin korporativ və fiziki müştəriləri istifadə edirlər. Bu xidmət vaxta qənaət etməyə, növbədə dayanmamağa və kommunal, “Azercell” və “Bakcell” mobil operatorları xidmətlərinin, habelə “Aztelekom” xidmətlərinin haqqını bir neçə dəqiqə ərzində ödəməyə imkan verir. Bank yaxın gələcəkdə müştərilərini yeni imkanlarla sevindirmək və virtual bankın köməyi ilə mümkün ödəmələrin sayını artırmaq niyyətindədir. Məsələn, bankın müştəriləri tezliklə internet-provayderlər xidmətlərinin haqqını da yerində ödəyə biləcəklər.
Bölmənin digər xəbərləri
