İnternet mühitində azərbaycandilli reklam resurslarının formalaşması xüsusiyyətləri tədqiq olunur
Bakı, 20 fevral, AZƏRTAC
İnformasiya Texnologiyaları İnstitutunun Multimedia Texnologiyaları Mərkəzinin elmi seminarında “İnternet mühitində azərbaycandilli reklam resurslarının formalaşması xüsusiyyətləri” mövzusunda müzakirələr aparılıb.
Bu barədə AZƏRTAC-a institutdan məlumat verilib.
Məruzəni təqdim edən baş mütəxəssis Kəmalə Haşımova reklam və onun növlərindən bəhs edib. Həmçinin reklamın hazırlanması üçün vacib olan tələbləri diqqətə çatdırıb. Bildirib ki, reklamın hansı məkanda təqdim edilməsindən asılı olmayaraq, ilk növbədə, ədəbi dil normaları gözlənilməli, dil mütəxəssisləri reklam şirkətləri ilə müntəzəm əlaqə qurmalıdırlar. Reklam mətnləri obrazlı, aydın, lakonik olmalı, onların strukturu, məna və üslubi keyfiyyətləri düzgün seçilməlidir.
K.Haşımova reklamla bağlı ACCA (attention, comprehension, conviction, action) və AIDA (attention, interest, desire, action) modelinin müqayisəli təhlilini də təqdim edib. Bildirib ki, AIDA modeli müştəridə maraq yaratmağa yönəlmişdirsə, ACCA modeli məhsulun faydalı və lazımlı olmasına inam yaratmağı hədəfləyir.
Bölmənin digər xəbərləri
