İrakli Lekvinadze: Azərbaycanın təcrübəsi bizim üçün mühüm əhəmiyyət kəsb edir
Tbilisi, 16 noyabr, AZƏRTAC
Tbilisidə "Rəqabət və istehlakçı hüquqlarının müdafiəsi" mövzusunda keçirilən beynəlxalq konfransda Azərbaycan nümayəndə heyətinin iştirakı bizim üçün çox vacibdir. Biz bu konfransda qabaqcıl ölkələrin rəqabətlilik və istehlakçı hüquqlarının müdafiəsi sahəsində həyata keçirdiyi layihələri öyrənirik. Bu baxımdan, azərbaycanlı həmkarlarımızın da təcrübəsi bizim üçün mühüm əhəmiyyət kəsb edir.
Bu sözləri AZƏRTAC-a müsahibəsində Gürcüstanın Milli Rəqabət Agentliyinin rəhbəri İrakli Lekvinadze söyləyib.
Onun sözlərinə görə, bu konfransda 20-yə yaxın ölkədən və 11 beynəlxalq təşkilatdan təqribən 200 ekspert və mütəxəssis iştirak edir. Bu da mövzunun aktuallığını göstərir.
Gürcüstan tərəfi konfrans çərçivəsində iştirakçı ölkələrin nümayəndə heyətlərinin rəhbərliyi ilə görüşlər keçirəcək, müzakirələr aparılacaq.
“Sonda bəzi ölkələr, eləcə də Azərbaycan ilə əməkdaşlıq haqqında memorandumun imzalanması da planlaşdırılır”- deyə, İ. Lekvinadze vurğulayıb.
AZƏRTAC-ın xüsusi müxbiri
Tbilisi
Bölmənin digər xəbərləri
