İran köhnəlmiş mülki aviasiya parkını təzələmək məqsədi ilə Rusiyadan və digər ölkələrdən 30 sərnişin təyyarəsi almaq niyyətindədir. Bu barədə İİR yollar və nəqliyyat naziri Əhməd Xürrəm məlumat vermişdir. Bununla bərabər, o bildirmişdir ki, İran qərb ölkələrindən bir sıra təyyarələri almaqdan imtina etmişdir.

“Biz Tu-204 təyyarələri almaq barədə Rusiya ilə danışıqlar aparmışıq. Onlar qərb istehsalı olan müvafiq aviagəmilərlə müqayisədə az yanacaq işlədir”,-deyə nazir qeyd etmişdir. O, həmçinin bu təyyarələrin qərb analoqlarından ucuz olduğunu da nəzərə çarpdırmışdır.