İRAN YOLLARINDA ÖLÜM HALLARI GÖRÜNMƏMİŞ HƏDDƏ ÇATMIŞDIR
AZƏRTAC-ın Tehrandan aldığı xəbərə görə, İran DİN yollar və nəqliyyat departamentinin rəisi Məhəmməd Rufi bildirmişdir ki, faciə ilə nəticələnən yol-nəqliyyat hadisələrinin sayı baxımından ölkə dünyada “aparıcı” yerlərdən birini tutur. Şübhəsiz, sürücülər və sərnişinlər təhlükəsizlik kəmərlərindən istifadə etsəydilər, ölümlə nəticələnən yol-nəqliyyat hadisələrinin sayı xeyli az olardı.
Əvvəllər bu ölkədə hər il, orta hesabla, 200 minə yaxın yol-nəqliyyat hadisəsi baş verir və bu zaman təxminən 15 min adam həlak olur, 90 min nəfər isə yaralanırdı. Ötən il bu faciəli göstəricilərin birdən-birə artması bir sıra amillərlə bağlıdır. Əsas səbəb isə sürücülərin yol hərəkəti qaydalarına riayət etməməsi və avtoparkın köhnəlməsidir. Burada qeydiyyata alınmış təxminən 5 milyon avtomaşının 1,5 milyondan çoxunun “yaşı” 20 ili keçmişdir.
