İrana qarşı yeni sanksiyalar tətbiq olunub
Tehran, 14 avqust, AZƏRTAC
ABŞ-ın Maliyyə Nazirliyi İrana qarşı yeni sanksiyaların tətbiq edildiyi barədə açıqlama verib.
AZƏRTAC xəbər verir ki, neft qaçaqmalçılığında ittiham olunan bir hüquqi şəxs, 4 şirkət və bir neft daşıyan tankerə qarşı sanksiyalar tətbiq olunub.
Qeyd edək ki, adı sanksiyalar siyahısına düşən hüquqi şəxs Oman vətəndaşı Mahmud Rəşid əl-Hasib və onun rəhbərlik etdiyi şirkətlərdir. Neft daşıyan tanker də bu şirkətlərdən birinə məxsusdur. Şirkətlər, eyni zamanda, İran İslam İnqilabının Keşikçiləri Korpusu ilə əlaqədar fəaliyyət göstərməkdə ittiham olunurlar. Qeyd olunur ki, şirkətlər İran neftini qaçaqmalçılıq yolu ilə dünya bazarına çıxarırlar.
ABŞ bu dəfə də şirkətlərin qanunsuz fəaliyyəti haqqında heç bir sübut təqdim etməyib.
Dövlət katibi Entoni Blinken tviter hesabında yazıb ki, ABŞ beynəlxalq miqyasda neft qaçaqmalçılığı ilə məşğul olanlara qarşı mübarizəni davam etdirir.
Rabil Kətanov
AZƏRTAC-ın xüsusi müxbiri
Tehran
Bölmənin digər xəbərləri
