İRANDA ZƏLZƏLƏ
Tələfat və dağıntı barədə xəbər alınmamışdır.
Fars vilayətində dörd gün ərzində davam etmiş yeraltı təkanlar nəticəsində baş vermiş dağıntıların yığışdırılması işləri indiyədək aparılır. Burada bir həftə əvvəl 5,8 və 5,6 bal gücündə zəlzələ olmuşdur. Son məlumata görə, o vaxt bir adam ölmüş, 147 nəfər yaralanmış, 5 mindən çox ev, o cümlədən 15 məktəb tamamilə dağılmışdı.
Xatırladaq ki, İran ərazisinin əksər hissəsi seysmik cəhətdən fəal zonada yerləşir. Son 13 ildə orada orta və böyük güclü 950-dən çox zəlzələ qeydə alınmış və onların nəticəsində 17 600 adam həlak olmuş, 53 mindən artıq adam xəsarət almışdır.
