İranın Ali Rəhbəri 2187 məhkumu əhatə edən əfv sərəncamı imzalayıb
Tehran, 13 may AZƏRTAC.
Müqəddəs Ramazan bayramı münasibətilə İranın Ali Rəhbəri Ayətullah Əli Xamneyi əfv sərəncamı imzalayıb.
AZƏRTAC xəbər verir ki, humanizm və insanpərvərliyi əsas tutan Ali Rəhbər İranın məhkəmə hakimiyyətinin rəhbəri İbrahim Rəisinin təklifini qəbul edərək 2187 nəfər məhkumun əfv olunması haqqında sərəncam imzalayıb.
Sərəncama əsasən bir sıra məhkumların azadlıqdan məhrumetmə müddəti azaldılıb, digərləri isə cəzalarının çəkilməmiş hissəsindən azad ediliblər.
Rabil Kətanov
AZƏRTAC-ın xüsusi müxbiri
Tehran
Bölmənin digər xəbərləri
