İranın Biləsuvar gömrük məntəqəsindən ixracın həcminin artdığı müşahidə edilib

28.08.2019 [16:24]
Çap et
A⁺ A^-

Tehran, 28 avqust, AZƏRTAC

Cari il ərzində İranın Biləsuvar gömrük məntəqəsindən ixracın həcminin artdığı müşahidə edilib.

AZƏRTAC İran Baş Gömrük İdarəsindən verilən məluma əsasən xəbər verir ki, bu müddətdə Biləsuvar gömrük məntəqəsindən 175 min 141 ton həcmində məhsul ixrac edilib ki, bu da ötən ilin müvafiq dövrü ilə müqayisədə 27 faiz çoxdur.

İran Biləsuvar gömrük məntəqəsindən yalnız Azərbaycana deyil, eyni zamanda, Gürcüstana və Rusiyaya da məhsul ixrac edib. Verilən məlumatda bildirilib ki, Azərbaycan tranzit ölkə olaraq İran üçün əhəmiyyətlidir.

Rabil Kətanov

AZƏRTAC-ın xüsusi müxbiri

Tehran