İRAQLILAR ÖLKƏDƏ HANSI DÖVLƏT QURULUŞUNU GÖRMƏK İSTƏRDİLƏR?
İraqlılar təklif olunan beş ölkədən (Suriya, Səudiyyə Ərəbistanı, İran, Misir, ABŞ) hansının dövlət quruluşunu və rejimini öz ölkəsində görmək istədikləri barədə sualın cavabında birinci yeri Birləşmiş Ştatlara vermişlər. Onların 37 faizi Amerikadakı kimi siyasi sistemin tətbiq edilməsini istədiyini bildirmişdir. İkinci yerdə Səudiyyə Ərəbistanı gəlir. Maraqlıdır ki, iraqlıları, ilk növbədə, şiələri İrandakı kimi islam hakimiyyəti qurulması cəlb etmir.
Suallardan biri xarici qoşunların ölkədə qalıb-qalmaması barədə idi. İraqlıların üçdə iki hissəsi onların ölkədə bir il müddətinə qalmasına tərəfdardır. Lakin belə fikir söyləyənlər də olmuşdur ki, əgər koalisiyanın hərbi qulluqçuları İraqda beş il qalsalar, bu, ölkəyə ancaq ziyan vuracaqdır.
Ölkənin əvvəlki rəhbərliyinə gəldikdə, iraqlıların 74 faizi “cinayətlər törətmiş BƏƏS partiyası fəallarının cəzalandırılmasını” tələb edir, yalnız 18 faizi “onların bağışlanılmasını və keçmişin unudulmasını” istəyir.
Bölmənin digər xəbərləri
