İRKUTSK VİLAYƏTİNDƏ BİR AY ƏRZİNDƏ TƏXMİNƏN 300 MİN LİTR SURROQAT MÜSADİRƏ EDİLMİŞDİR

25.11.2006 [16:20]
Çap et
A⁺ A^-

AZƏRTAC xəbər verir ki, İrkutsk vilayətinin hüquq mühafizə orqanları bir ay ərzində keçirilmiş “Surroqat” əməliyyatı nəticəsində tərkibində spirt olan təxminən 300 min litr maye müsadirə etmişlər.

Saxta spirtli içkilərin qanunsuz dövriyyəsinin qarşısını almaq tədbirlərinə hər gün təxminən 600 milis əməkdaşı cəlb olunmuş, 106 cinayət işi qaldırılmışdır.

Buna baxmayaraq, vilayətdə surroqat alkoqolla zəhərlənənlərin sayı artır.

Rusiyada kütləvi zəhərlənmənin müşahidə olunduğu 20 region arasında İrkutskda toksik hepatitlə xəstələnən sakinlərin sayı daha çoxdur. Vilayət Səhiyyə İdarəsinin məlumatına görə, noyabrın 24-nə zəhərlənənlərin sayı 2 min 777 nəfərdir. Onlardan 1 min 250 nəfəri stasionar, 387 nəfəri ambulatoriya müalicəsindədir, 87 nəfəri isə vəfat etmişdir.

Vilayətin bütün ərazisində gücləndirilmiş hazırlıq rejimi tətbiq edilmiş, regionun dörd bələdiyyə qurumunda isə fövqəladə vəziyyət rejimi qüvvədədir.