İsmayıllıda prezident seçkilərinə hazırlıq işləri başa çatıb
İsmayıllı, 9 aprel, AZƏRTAC
86 saylı İsmayıllı seçki dairəsində aprelin 11-də keçiriləcək prezident seçkilərinə hazırlıq işləri başa çatıb.
Dairənin sədri Əlirəmzi Məhərrəmov AZƏRTAC-ın bölgə müxbirinə bildirib ki, dairə üzrə fəaliyyət göstərən 69 məntəqənin hamısı təmir edilib, lazımi inventar və avadanlıqlarla, o cümlədən elektrik generatorları, kassalar, daşınmaz və daşınan səsvermə qutuları ilə tam təchiz olunub. MSK tərəfindən çap olunan seçki siyahıları məntəqələrdə xüsusi lövhələrə vurulub. Bildirişlər paylanılıb, seçki bülletenləri təlimata uyğun olaraq məntəqələrə təhvil verilib. Məntəqə üzvləri üçün treninq keçirilib, səsvermə günü görüləcək işlər bir daha ətraflı izah edilib.
Qeyd edək ki, dairə üzrə 41 min 40 nəfər seçici var. Onlardan 20 min 622 nəfəri qadın, 142 nəfəri ilk dəfə səs verənlərdir. Yüz yaşdan yuxarı 5 seçici qeydə alınıb.
Bölmənin digər xəbərləri
