İSRAİL AVİASİYASININ HÜCUMU
İnformasiya kanallarının yaydıqları xəbərə görə, İsrail hökuməti başçısının rəsmi nümayəndəsi Raanan Gisin bildirmişdir ki, Suriya onun ölkəsinə hücuma hazırlaşan terrorçu təşkilatlara kömək etdiyi təqdirdə, İsrail bu ölkəni yeni zərbələrə məruz qoya bilər. O demişdir: ”Aviasiyamızın Dəməşqin şimalına hücumu xəbərdarlıqdır. Rəsmi Dəməşq başa düşməlidir ki, terrorizm təzahürləri və bunların dəstəklənməsi cəzasız qala bilməz. Suriya, ərazisində yerləşən 11 terrorçu təşkilatın qərargahını bağlamaqdan imtina etdiyi üçün yalnız özünü təqsirləndirməlidir”.
Oktyabrın 5-də Suriya İsrailin hərəkətlərini müzakirə etmək məqsədi ilə BMT-nin Təhlükəsizlik Şurasının xüsusi sessiyasının cağırılmasını tələb etmək niyyətini açıqlamışdır. Xatırladaq ki, İsrail ötən gecə Suriyanın ərazisinə aviasiya zərbəsi endirmişdir. Bu bəyanat Suriya tərəfinin hadisəyə ilk rəsmi münasibətidir.
Bölmənin digər xəbərləri
