İSTANBULDA TERROR AKTLARINI TÖRƏDƏN CİNAYƏTKARLAR MƏLUM OLDU
AZƏRTAC-ın xüsusi müxbiri İstanbuldan xəbər verir ki, terror aktlarını Türkiyənin Bingöl vilayətinin sakinləri Azad Əkinçi, Məsud Çabuk, Gökhan Elaltintaş və Ferudin Uğurlu törətmişlər.
Terrorçuların hadisə yerlərində həlak olduqları haqqında dəlillər vardır. Dəlillər polis tərəfindən aparılan ekspertiza nəticəsində əldə olunmuşdur. Bu şəxslərin əvvəllər “PKK” , daha sonra isə “Əl-Qaidə” ilə əlaqəsi olan terror təşkilatının üzvləri olduğu aşkar edilmişdir.
İstanbuldakı partlayışlarla əlaqədar istintaq işi davam edir.
Polisə zəng edən naməlum şəxs İstanbuldakı Almaniya və Yaponiya baş konsulluqlarına qarşı da terror aktları törədiləcəyini bildirmişdir. İstanbul polisi hər iki baş konsulluğun yerləşdiyi Gümüşsuyu prospektində nəzarəti gücləndirmiş, nəqliyyatın hərəkətini müvəqqəti dayandırmışdır.
Bölmənin digər xəbərləri
