İSVEÇ QIZIL XAÇ CƏMİYYƏTİNİN NÜMAYƏNDƏLƏRİ ÇADIR ŞƏHƏRCİYİNDƏ OLMUŞLAR
İsveç Qızıl Xaç Cəmiyyətinin (İQXC) proqram əlaqələndiricisi xanım Linda Nordin, səhiyyə üzrə məsləhətçi xanım Lena Tinnemark və İsveç Televiziya və Radio Şirkəti Yardım Fondunun nümayəndələri aprelin birindən başlayaraq 8 gün ölkəmizdə işgüzar səfərdə olmuşlar.
İQXC Beynəlxalq Qızıl Xaç və Qızıl Aypara Cəmiyyətləri Federasiyasının (Federasiya) son üç ildə Respublikamızda həyata keçirdiyi proqramın əsas donorlarından biridir.
Isveç Qızıl Xaç Cəmiyyətinin nümayəndələri BQX və QAC Federasiyası və Az.QAC tərəfindən 32 min məcburi köçkün üçün nəzərdə tutulmuş İcmaların İnkişafı Proqraminin həyata keçirildiyi “Cənub şəhərcikləri”ndə (Sabirabad, Saatlı və Biləsuvar rayonları ərazisində məskunlaşmış 7 çadır şəhərciyində) olmuşlar.
Qonaqlar həmcinin Füzuli rayonunun ərazisində yeni salınmış Şükürbəyli kəndinə getmiş, Dərnəgüldə və Sumqayıtda məskunlaşmış qaçqınlara da baş çəkmişlər.
İsveç Televiziya və Radio Şirkəti Yardım Fondunun nümayəndələri xanım Siv Dreber və cənab Skot Lakey nümayəndə heyyətinin respublikamıza səfəri barədə sənədli televiziya filmi hazırlayacaqlar.
Bölmənin digər xəbərləri
