İSVEÇRƏDƏ MİNARƏ TİKİNTİSİNƏ QADAĞA QOYULMASI TƏŞƏBBÜSÜNƏ QOŞULMAQ ÇAĞIRIŞLARI SƏSLƏNMİŞDİR
AZƏRTAC-ın xüsusi müxbiri Frans Press agentliyinə istinadla xəbər verir ki, isveçrəlilər həmvətənlərini ölkədə minarə tikintisinə qadağa qoyulması barədə təşəbbüsə səs verməyə çağırmışlar.
İsveçrənin daxili işlər naziri Prezident Paskal Kuşepenin Federal Şuranın bəzi üzvlərinin bu təşəbbüsə qarşı çıxacağı barədəki fikrini xatırlatmışdır. Artıq bəzi kontonlar bu qadağaya qarşı etirazlarını bildirmidir.
Daxili işlər naziri Federal Şuranın İsveçrə xalqı və parlamentinin bu təşəbbüsü qəbul etməmək çağırışına qoşulacağına şübhə etmədiyini bəyan etmişdir.
Təşəbbüsü səsə qoymaq məqsədi ilə 114 min imza toplanmışdır. Ölkənin qanununa görə, hər hansı məsələni səsə qoymaq üçün 100 min imza toplamaq lazımdır. Bu imzalar federal kansler tərəfindən yoxlanılmalı və təsdiq edilməlidir.
Təşəbbüs müəllifləri azanın səsləndirilməsi üçün nəzərdə tutulan minarənin heç də dini rəmzi olmadığını, amma islamın inkişafını göstərən siyasi motiv olduğunu bildirmişlər.
Təşəbbüs tez bir vaxtda xaricdə, o cümlədən İslam Ölkələri Təşkilatının rəsmiləri tərəfindən dərhal narazılıqla qarşılanmış və ciddi tənqid edilmişdir.
Xatırladaq ki, İsveçrənin 7,5 milyonluq əhalisinin 310 mini müsəlmandır.
Bölmənin digər xəbərləri
