Azərbaycan Dövlət İnformasiya Agentliyi

DÜNYA

İTALİYA TERROR HÜCUMLARINDAN NARAHATDIR

24.11.2003 [13:37]
Çap et
A⁺ A^-

Türkiyədə baş vermiş son terror aktları ilə əlaqədar İtaliyada təhlükəsizlik tədbirləri gücləndirilmişdir. Məscidlər, sinaqoqlar, dövlət müəssisələri, mehmanxanalar, məktəblər, Amerika və Britaniya təşkilatları və şirkətləri xüsusi nəzarətə götürülmüşdür.

Xüsusi xidmət orqanları şübhəli şəxslər və İtaliyaya gizli surətdə gələnlər barədə məlumat toplamaqla məşğuldur. Romadakı Leonardo da Vinçi adına “Fyumiçino” beynəlxalq hava limanında təhlükəsizlik rejimi sərtləşdirilmiş, yanacaq anbarlarının və heyətlərin təyyarələrə çatdırıldığı yerlərin mühafizəsi gücləndirilmişdir. Şimali Amerika və Yaxın Şərq aviaşirkətlərinin həyata keçirdikləri “riskli reyslər”ə xüsusi diqqət yetirilir.