İtaliyada daha 5664 nəfər COVID-19-a yoluxub
Roma, 17 avqust, AZƏRTAC
İtaliyada son 24 saat ərzində koronavirusa 5664 yeni yoluxma faktı qeydə alınıb. Ölkədə virusa yoluxanların sayı isə ümumilikdə 4 milyon 440 min 669 nəfərə çatıb.
AZƏRTAC xəbər verir ki, ölkədə koronavirusa yoluxanların sayı artmaqda davam edir. Səhiyyə Nazirliyinin məlumatına görə, son 24 saat ərzində 160 min 870 koronavirus testi icra olunub. Ötən gün 19 nəfər COVID-19 səbəbindən dünyasını dəyişib. Bununla da pandemiya qurbanlarının sayı 128 min 432-yə yüksəlib.
Nazirlik son 24 saatda 3580 nəfərin virusdan sağaldığını və aktiv xəstə sayının isə 128 min 528 olduğunu bildirib. Reanimasiya şöbəsində olan xəstələrin sayı 12 nəfər artaraq 384-ə çatıb.
Bu günədək İtaliyada 73 milyon 748 min 582 nəfərə vaksin vurulub, hər iki dozanı qəbul edənlərin sayı 35 milyon 547 min 400 olub.
Nihad Budaqov
AZƏRTAC-ın xüsusi müxbiri
Roma
Bölmənin digər xəbərləri
