İXTİSASARTIRMA KURSLARININ NÖVBƏTİ BURAXILIŞI
Akademiyadan AZƏRTAC-ın müxbirinə bildirmişlər ki, “Təbiətdən istifadə və ətraf mühitin mühafizəsinin dövlət tənzimlənməsi” proqramı üzrə keçirilən bu kurslarda icra hakimiyyəti orqanlarının, müvafiq nazirlik, komitə və idarələrin rəhbər işçiləri iştirak etmişlər.
Kurslarda tədrisin əsas məqsədi ekoloji islahatlar, ətraf mühitin zərərli tullantılardan qorunması, çirkli suların təmizlənməsi və sair problemlərlə bağlı biliklərin sistemləşdirilməsi, dinləyicilərə yeni bilik verilməsidir.
Kurslarda Milli Məclisin Təbii ehtiyatlar, energetika və ekologiya məsələləri daimi komissiyasının sədri Asya Manafova, Milli Məclisin eksperti Şamil Hüseynov, Maliyyə Nazirliyinin idarə rəisi Pünhan Abdullayev və tanınmış alim–mütəxəssislər ekologiyanın və təbiətdən istifadənin müasir problemlərinə dair müxtəlif mövzularda mühazirələrlə çıxış etmişlər.
Bölmənin digər xəbərləri
