İyulun 29-da Bakıda havanın temperaturu iqlim normasından 1 dərəcə aşağı olub
Bakı, 30 iyul, AZƏRTAC
Ekologiya və Təbii Sərvətlər Nazirliyinin Milli Hidrometeorologiya Xidmətinin iyulun 30-u saat 11:30-a olan məlumatına əsasən, əksər rayonlarda hava şəraiti əsasən yağmursuz keçib, lakin 29-u günün birinci yarısında bəzi şimal və qərb rayonlarında yağış yağıb, Böyük Qafqazın bəzi yerlərində intensiv olub.
Xidmətdən AZƏRTAC-a bildiriblər ki, düşən yağışın miqdarı Zaqatalada 24 (aylıq normanın 31 faizi), Balakəndə 20 (aylıq normanın 26 faizi), Astarada 12, Kişçayda (Şəki) 6, Qəbələ, Sarıbaş (Qax), Şəkidə 4, Lerik, Lənkəran, Daşkəsəndə 3, Göygöl, Gədəbəydə 2, Oğuz, Biləsuvar, Yardımlı, Göyçay, Maştağada 1 millimetrədək təşkil edib.
İyulun 29-da Bakıda havanın temperaturu iqlim normasından 1° aşağı olub. Belə ki, havanın maksimal temperaturu Bakıda və Abşeron yarımadasında 27-30°, Aran rayonlarında 26-31° isti, dağlıq rayonlarda 18°-dək isti, Naxçıvan Muxtar Respublikasında 27-34° isti olub.
Bölmənin digər xəbərləri
