KALAŞNİKOV AVTOMATI XX ƏSRİN ƏN YAXŞI SİLAHI HESAB EDİLMİŞDİR

18.11.2006 [21:48]
Çap et
A⁺ A^-

AZƏRTAC xəbər verir ki, ABŞ-ın Militəri Çənnl telekanalı son yüz ilin ən yaxşı atıcı silahını müəyyən etmək üçün amerikalı və britaniyalı hərbçilər və silah ekspertləri arasında sorğu keçirmişdir. Atıcı silahın bütün modelləri beş kateqoriya üzrə qiymətləndirilmişdir – atəşin dəqiqliyi, döyüş səmərəliliyi, konstruksiyanın orijinallığı, istifadədə əlverişlilik və istifadə müddəti.

Mixail Kalaşnikovun əfsanəvi sovet avtomatı AK-47 (AKM), dəqiqlik istisna olmaqla, ən yüksək qiymətə layiq görülmüşdür.

İndiyədək 75 milyon ədəd miqdarında buraxılan AK-47 avtomatından onlarca ölkənin orduları istifadə edirlər və ona dünyanın, əslində, bütün dövlətlərində rast gəlmək olar. 1947-ci ildə yaradılan avtomatın uzunömürlülüyünü yüksək atəş gücü, çəkisinin az olması və konstruksiyasının son dərəcə sadəliyi və etibarlılığı təmin edir.

Sorğuda ikinci yeri ABŞ-ın M-16 tüfəngi tutmuşdur. 1960-cı illərdə yaradılan bu tüfəngdən ABŞ ordusu və onun bir çox müttəfiqlərinin orduları istifadə edirlər. Üçüncü yer Birinci və İkinci dünya müharibələrində Britaniya Millətlər Birliyi ölkələri ordularının əsas silahı olmuş Britaniyanın SMLE tüfənginə verilmişdir.

KALAŞNİKOV AVTOMATI XX ƏSRİN ƏN YAXŞI SİLAHI HESAB EDİLMİŞDİR

MÜƏLLİFLƏ ƏLAQƏ

Bölmənin digər xəbərləri