“KAMAZ”IN AŞMASI İKİ NƏFƏRİN ÖLÜMÜ İLƏ NƏTİCƏLƏNMİŞDİR
DİN-in mətbuat xidmətindən müxbirimizə bildirmişlər ki, noyabrın 14-də Yevlax rayonu ərazisində Masallı rayon sakini Həmzalı Bağırovun idarə etdiyi “KamAZ” markalı avtomaşının aşması nəticəsində sürücü və sərnişin Qəhrəman Saramanov hadisə yerində keçinmişdir. Yevlax rayon polis şöbəsində faktla bağlı təhqiqat aparılır.
Ümumiyyətlə, ötən gün ölkəmizin avtomobil yollarında baş vermiş 3 yol-nəqliyyat hadisəsi zamanı 2 nəfər həlak olmuş, 5 nəfər müxtəlif dərəcəli bədən xəsarəti almışdır. Qanunsuz saxlanılan silah-sursatın yığılması üzrə 6, narkotiklərlə mübarizə sahəsində 5 cinayət faktı aşkarlanmış, bir yanğın hadisəsi qeydə alınmışdır.
Bölmənin digər xəbərləri
