KATV1 şirkəti 2016-cı il üçün strategiyasını açıqlayıb
Bakı, 14 yanvar, AZƏRTAC
KATV1 şirkəti özünün 2016-ci il üçün nəzərdə tutulan fəaliyyət strategiyasını açıqlayıb.
Şirkətdən AZƏRTAC-a bildirilib ki, bu il şirkət öz diqqətini internet-texnologiyaların inkişafına, şəbəkə infrastrukturunun genişləndirilməsinə, sosial, xüsusən də sahə üzrə layihələrin dəstəklənməsinə yönəldəcək, öz tarif siyasətini məhz istehlakçıların xeyrinə optimallaşdırmaq üçün maksimum səy göstərəcək.
Cari ildə “Myvideo.az” portalının servisləri genişləndiriləcək və təkmilləşdiriləcək. Eyni zamanda, televizora baxmağa və televizor vasitəsilə müxtəlif tətbiqetmələrdən (Facebook, Youtube, Instagram və s.) istifadə etməyə imkan verən “Smart Box” cihazının proqram təminatı optimallaşdırılacaq. İstehlakçıların yüksəksürətli və genişzolaqlı internetə çıxışla təmin edilməsi üçün KATV1 şəbəkə infrastrukturu genişləndiriləcək. Bundan əlavə, KATV1 yanında gənclər prodüser mərkəzi yaradılacaq.
Bölmənin digər xəbərləri
