“KƏND TƏSƏRRÜFATI KREDİTLƏRİNİN SIĞORTALANMASI MEXANİZMİ” LAYİHƏSİNİN TƏQDİMATI OLMUŞDUR
Bakı, 18 mart (AZƏRTAC). Azərbaycan Mikromaliyyə Assosiasiyası (AMA) OXFAM Azərbaycan təşkilatının maliyyə dəstəyi ilə “Kənd təsərrüfatı kreditlərinin sığortalanması mexanizmi” layihəsini həyata keçirir.
Layihənin məqsədi kənd təsərrüfatı və sığorta sahəsində ölkədəki mövcud vəziyyətin təhlili, kənd təsərrüfatı kreditlərinin sığortalanması üzrə qabaqcıl təcrübənin öyrənilməsi əsasında kreditlərin sığortalanması mexanizminin təkmilləşdirilməsi üçün tövsiyələri hazırlamaqdır. AMA layihə çərçivəsində kənd təsərrüfatı sektorunda davamlı kreditləşmə prosesinin təmin edilməsi və kreditlərin sığortalanması təşəbbüsü üzrə təşviqatçı rolunu öz üzərinə götürmüşdür. Layihənin icra müddəti yanvarın 15-dən avqustun 15-dəkdir.
Tədbirdə kənd təsərrüfatı sektoruna kredit verən qurumlar, banklar və bank olmayan kredit təşkilatları arasında keçirilən sorğunun nəticələri açıqlanmışdır.
Bölmənin digər xəbərləri
