KƏND TƏSƏRRÜFATINDA ÜMUMİ MƏHSUL İSTEHSALI ARTMIŞDIR
Cari ilin birinci yarısında 2007-ci ilin eyni dövrü ilə müqayisədə ölkədə qaramalın sayı 2,4 faiz, davarların sayı isə 2,3 faiz çoxalaraq, müvafiq olaraq, 2 milyon 533 min 482 və 8 milyon 316 min 376 başa çatmışdır. Bu dövrdə diri çəkidə ət istehsalı 2,3 faiz artaraq 171,2 min ton, süd istehsalı 2,3 faiz artaraq 810,9 min ton, yumurta istehsalı 12,3 faiz artaraq 591,9 milyon ədəd, yun istehsalı 3,1 faiz artaraq 12,8 min ton olmuşdur.
Dövlət Statistika Komitəsindən AZƏRTAC-a bildirmişlər ki, ilin əvvəlindən sahələrdən 666,2 min ton və ya keçən ilin eyni dövründəkindən 1,1 faiz çox tərəvəz yığılmışdır.
Ötən ilin birinci yarısı ilə müqayisədə kənd təsərrüfatında ümumi məhsul istehsalı 9,3 faiz, o cümlədən bitkiçilik məhsulları istehsalı 13,9 faiz, heyvandarlıq məhsulları istehsalı 3,2 faiz artmışdır.
Bölmənin digər xəbərləri
