Kənd təsərrüfatının maliyyələşməsi ilə məşğul olan bankların nümayəndələrinə vebinar keçirilib
Bakı, 29 oktyabr, AZƏRTAC
Regionlarda kənd təsərrüfatı maliyyələşməsi ilə məşğul olan bankların nümayəndələrinə Azərbaycan Banklar Assosiasiyası (ABA) və “Deutsche Sparkassenstiftung für internationale Kooperation e.V.”nin (DSIK) təşkilatçılığı ilə “Almaniyada Kənd Təsərrüfatının Maliyyələşdirilməsi” adlı vebinar keçirilib.
ABA-dan AZƏRTAC-a bildirilib ki, vebinarda kənd təsərrüfatı üzrə maliyyə hesabatlarının, eləcə də bu biznesdə satış potensialının təhlili və qiymətləndirilməsi üzrə Almaniya təcrübəsi haqqında danışılıb. Bundan əlavə, vebinarda kənd təsərrüfatı əmtəələri və əkin sahələri üzrə daşınmaz əmlak bazarının sektora təsirləri və bəzi kənd təsərrüfatı sahələrinin mənfəətliliyi haqqında da məlumat verilib. Vebinarda müstəqil Kənd Təsərrüfatının Maliyyələşdirilməsi üzrə Beynəlxalq Məsləhətçisi Claus Stopka məruzəçi qismində çıxış edib.
Sonda mövzu üzrə suallar cavablandırılıb və müzakirələr aparılıb.
Bölmənin digər xəbərləri
