Kinorejissor Ayaz Salayev Mədəniyyət Nazirliyinin Fəxri diplomuna layiq görülüb
Bakı, 2 avqust, AZƏRTAC
Azərbaycan Respublikasının Mədəniyyət Nazirliyində tanınmış kinoşünas, rejissor, ssenarist, pedaqoq, Əməkdar incəsənət xadimi Ayaz Salayev ilə görüş olub.
Nazirlikdən AZƏRTAC-a bildirilib ki, mədəniyyət naziri Adil Kərimli rejissoru 65 illik yubileyi münasibətilə təbrik edib, xoş arzularını çatdırıb. Ayaz Salayevin Azərbaycan kinematoqrafiyasının inkişafında xidmətlərini qeyd edən nazir onun kinoşünas kimi də təqdirəlayiq işlər gördüyünü bildirib.
Adil Kərimli rejissorun milli kinematoqrafiyanın inkişafına verdiyi töhfələrə görə Mədəniyyət Nazirliyinin Fəxri diplomuna layiq görüldüyünü deyib və təltifi yubilyara təqdim edib.
Ayaz Salayev fəaliyyətinə göstərilən diqqətə görə Mədəniyyət Nazirliyinə minnətdarlığını bildirib.
Bölmənin digər xəbərləri
