KİTAB CƏMİYYƏTİNİN SƏDRİ BEYNƏLXALQ KİTABSEVƏRLƏR İTTİFAQININ XATİRƏ QIZIL MEDALINA LAYİQ GÖRÜLMÜŞDÜR
Z.Salahova təbrik sözündə bildirmişdir ki, Sovet İttifaqının süquta uğramasına baxmayaraq, qurumun qoruyub saxlanması maaifləndirmə işini inkişaf etdirməyə, uğurlu əməkdaşlığa və Birliyin bütün dövlətlərinin mədəni irsindən qarşılıqlı surətdə bəhrələnməyə şərait yaradır. O, oktyabrın sonlarında 30 illik yubileyini qeyd edəcək “Kitab” cəmiyyətinin fəaliyyətindən, respublikamızda kitab nəşri sahəsində əldə edilən uğurlardan da söhbət açmışdır. Özünün şəxsi təşəbbüsü ilə dünyada ilk dəfə yaradılan miniatür kitab muzeyindən danışarkən, onun açılmasına bilavasitə yardım göstərən ümummilli liderimiz Heydər Əliyevin rolunu xüsusi vurğulamışdır. Hazırda muzeydə 54 ölkədə miniatür kitab şəklində nəşr olunan dünya klassik ədəbiyyatının 3700 nümunəsi nümayiş etdirilir.
Sonda BKİ-nin fəallarına mükafatlar təqdim olunmuşdur. Zərifə Salahova İvan Fyodorov xatirə qızıl medalına və “Kitabın şöhrəti naminə çoxillik və fədakar fəaliyyətinə görə” BKİ-nin diplomuna layiq görülmüşdür.
