KIV: Polşa ordusu icazəli silahı olan vətəndaşları əməkdaşlığa cəlb edir
Bakı, 28 iyun, AZƏRTAC
Hazırda polşalı ovçuların əllərində 900 minə yaxın müxtəlif növ odlu silah var.
AZƏRTAC xəbər verir ki, Polsat telekanalı bu rəqəmi Polşa Milli Təhlükəsizlik Bürosunun rəhbəri Yatsek Severanın Ovçular İttifaqının idarə heyətinin sədri Eugeniuş Qjeşçak ilə görüşü barədə məlumat verərkən səsləndirib.
Danışıqlar zamanı Yatsek Severa Polşanın təhlükəsizliyi üçün ovçular birliyinin imkanlarından istifadə edilə biləcəyini vurğulayıb.
Polşa Ovçular İttifaqının məlumatına görə, hazırda ölkədə rəsmi qeydiyyatdan keçən 126 min ovçu var. 2023-cü ildə əhalinin əlində olan odlu silahların sayı 843 min 755 ədədə çatıb. Eyni zamanda, ötən il 40 min 867 nəfərə tüfəng və tapança almaq üçün müvafiq icazələr verilib.
Qeyd edək ki, Polşa Silahlı Qüvvələri icazəli odlu silaha malik olan ölkə sakinlərini əməkdaşlığa cəlb etmək niyyətindədir. Bu barədə respublikanın müdafiə naziri Vladislav Kosinyak-Kamış “Fakt” qəzetinə müsahibəsində deyib.
Bölmənin digər xəbərləri
