KİYEVDƏ GÖRÜŞLƏR
“Azərbaycan-Ukrayna: strateji tərəfdaşlığın inkişaf perspektivləri” mövzusunda beynəlxalq elmi-praktik konfransa dəvət olunmuş Milli Məclisin deputatları Ə.Abbasov, V.Abdullayev və V.Timoşenko aprelin 16-da Ukrayna parlamentinin iclasında fəxri qonaq kimi iştirak etmişlər.
Sonra deputatlarımız konfransda iştirak edən nümayəndə heyətinin digər üzvləri ilə birlikdə Regionlararası Heyətin İdarəolunması Akademiyasının Heydər Əliyev adına Sosial Elmlər və Beynəlxalq Münasibətlər İnstitutuna gəlmişlər.
Nümayəndə heyətimizin üzvləri institutun və akademiyanın tədris bazası, tələbələrin təhsil və yaşayış şəraiti ilə tanış olmuş, azərbaycanlı tələbələrlə söhbət etmişlər.
Nümayəndə heyəti adından Akademiyanın rəhbərliyinə üzərində Qız qalasının təsviri olan əl ilə toxunmuş xalça hədiyyə edilmişdir.
Sonra nümayəndə heyətinin üzvləri Beynəlxalq Kadr Akademiyasının prezidenti, professor Q.Şokin ilə görüşmüşlər.
Elə həmin gün nümayəndə heyəti Vətənə yola düşmüşdür.
Zeynal Ağazadə
AZƏRTAC-ın xüsusi müxbiri
Kiyev
Bölmənin digər xəbərləri
