Kiyevin strateji piyada körpüsü raket zərbəsindən zərər görüb VİDEO
Kiyev, 10 oktyabr, AZƏRTAC
Oktyabrın 10-u səhər saatlarında Ukraynanın paytaxtı Kiyev şəhərinin mərkəzi hissələri raket hücumuna məruz qalıb.
AZƏRTAC xəbər verir ki, Rusiya Silahlı Qüvvələri tərəfindən atılan raketlərdən biri paytaxtın piyada körpüsü olan ”Şüşəli körpü”nün ərazisinə düşüb. Körpüyə ciddi ziyan dəyib və ora giriş-çıxış bağlanıb.
Onu da qeyd edək ki, bu körpü Kiyevdə piyadaların paytaxtın sağ və sol cinahlarına keçidi üçün strateji infrastruktur sayılır.
Xatırladaq ki, bu gün Ukrayna ərazisinə 75 raket atılıb, onlardan 41-i zərərsizləşdirilib. Paytaxt Kiyevə də bir neçə raket zərbəsi endirilib, ölənlər və xəsarət alanlar var.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
