KOBİA Qarabağda biznes qurmaq üçün 1300-dən artıq müraciəti qeydə alıb
Bakı, 17 noyabr, AZƏRTAC
Qarabağ regionunun işğaldan azad edilməsi ilə yeni ehtiyatların və sərvətlərin iqtisadi dövriyyəyə cəlb edilməsi, eləcə də beynəlxalq əhəmiyyətli daha effektiv kommunikasiya xətlərinin yaradılması imkanları ölkəmizin investisiya potensialını daha da artırır. Bu bölgənin özünəməxsus təbii müqayisəli üstünlükləri ilə yanaşı, Azərbaycan Hökuməti tərəfindən təqdim ediləcək imtiyaz, güzəşt və dəstək alətləri Qarabağ regionunu bizneslər üçün daha cəlbedici edəcək. Qarabağda biznes qurmaq üçün daxil olan müraciətlərin intensivliyi, əhatə dairəsi və təkliflərinin çeşidi artıq indidən bunu deməyə əsas verir. Bu günə qədər müxtəlif sektorları əhatə edən 1300-dən artıq müraciət KOBİA tərəfindən müvafiq formaya uyğun qeydə alınıb.
AZƏRTAC xəbər verir ki, bu barədə Kiçik və Orta Biznesin İnkişafı Agentliyinin İdarə Heyətinin sədri Orxan Məmmədov deyib.
KOBİA-nın İdarə Heyətinin sədri qeyd edib ki, bu müraciətlərin təqribən 55 faizi xarici investor və bizneslərdən daxil olub. Xarici müraciətlər Avropa, Asiya və Amerika daxil olmaqla kifayət qədər geniş coğrafi landşaftı və 40-a yaxın ölkəni əhatə edir.
Bölmənin digər xəbərləri
