KOBİA və Asiya ölkələri ilə iqtisadi əməkdaşlığın gücləndirilməsi müzakirə edilib
Bakı, 17 yanvar, AZƏRTAC
Kiçik və Orta Biznesin İnkişafı Agentliyinin (KOBİA) İdarə Heyətinin sədri Orxan Məmmədov ölkəmizdə səfərdə olan Asiyada Qarşılıqlı Fəaliyyət və Etimad Tədbirləri üzrə Müşavirənin (AQEM) Baş katibi Kayrat Sarıbay ilə görüşüb.
KOBİA-dan AZƏRTAC-a bildirilib ki, görüşdə Asiya ölkələri ilə iqtisadi əməkdaşlığın gücləndirilməsi və biznesin dəstəklənməsi müzakirə edilib.
AQEM yanında İşgüzar Şuraya KOBİA-nın sədrliyi dövründə şura çərçivəsində həyata keçiriləcək tədbirlərin prioritet istiqamətlərinə dair fikir mübadiləsi aparılıb.
Qeyd edək ki, 2025-2026-cı illərdə AQEM-ə Azərbaycanın sədrliyi dövründə İşgüzar Şuraya KOBİA rəhbərlik edəcək.
Bölmənin digər xəbərləri
