Kommersiya qurumlarının 71,3 faizi elektron qaydada qeydiyyata alınıb
Bakı, 14 sentyabr, AZƏRTAC
Cari ilin yanvar-avqust ayları ərzində kommersiya qurumlarının 71,3 faizi elektron qaydada qeydiyyata alınıb. Yerli investisiyalı məhdud məsuliyyətli cəmiyyətlərin e-qeydiyyatının xüsusi çəkisi isə 94,7 faiz təşkil edib.
AZƏRTAC Dövlət Vergi Xidmətinə istinadla xəbər verir ki, yeni qeydiyyat üsulu ilə (fin kod + mobil nömrə) səkkiz ayda 1189 yerli investisiyalı məhdud məsuliyyətli cəmiyyət qeydiyyata alınıb. Bu üsulun ümumi qeydiyyatda xüsusi çəkisi 11,6 faiz, yerli investisiyalı məhdud məsuliyyətli cəmiyyətlərin qeydiyyatında isə 15,4 faiz təşkil edib.
Ümumiyyətlə, ilin əvvəlindən icra olunmuş elektron qeydiyyat ərizələrinin 79,3 faizi Asan imza vasitəsilə təqdim olunub.
Bölmənin digər xəbərləri
