Konqolu tələbələr BANM-də təhsil alacaqlar
Bakı, 30 sentyabr, AZƏRTAC
SOCAR-ın Bakı Ali Neft Məktəbinin (BANM) rektoru Elmar Qasımov bu tədris ilində təhsil alan konqolu tələbələrlə görüşüb.
BANM-dən AZƏRTAC-a bildirilib ki, tələbələri təbrik edən rektor bildirib ki, gənclər 5 ildən sonra Konqoda peşəkar mütəxəssis kimi öz ölkələrinə xidmət edəcəklər. Elmar Qasımov vurğulayıb ki, tələbələrin bu ali məktəbdə ali təhsil alması “Azərbaycan Respublikasının Dövlət Neft Şirkəti ilə Konqo Milli Neft Şirkəti arasında təlim haqqında Anlaşma Memorandumu” çərçivəsində baş tutub.
Sonra rektor tələbələri ayrı-ayrılıqda dinləyib, onların təklifləri ilə bağlı yerindəcə müvafiq tapşırıqlarını verib.
Səkkiz konqolu gənc 2024-2025-ci tədris illərində SOCAR-ın Bakı Ali Neft Məktəbində (BANM) neft-qaz mühəndisliyi və kimya mühəndisliyi ixtisasları üzrə bakalavriat səviyyəsində təhsil alacaq.
Bölmənin digər xəbərləri
