Kreml Vladimir Putinin Çin rəsmisi ilə görüşəcəyini istisna etmir
Moskva, 20 fevral, AZƏRTAC
Kreml Çin Kommunist Partiyası Mərkəzi Komitəsinin xarici işlər komissiyası dəftərxanasının rəhbəri Van İnin Moskvaya səfər edəcəyini təsdiqləyib.
AZƏRTAC xəbər verir ki, Rusiya Prezidentinin mətbuat katibi Dmitri Peskov Van İnin Moskvaya səfəri çərçivəsində Vladimir Putin ilə görüşəcəyini də istisna etməyib.
Qeyd edək ki, Van İ Münxen Təhlükəsizlik Konfransında çıxışı zamanı Ukrayna böhranının nizama salınmasına dair Pekin planının fevralın sonunadək təqdim olunacağını bildirmişdi. O deyib ki, tərəflər atəşkəs barədə düşünməlidirlər. Çin rəsmisi nizamasalma prosesinin ölkələrin ərazi bütövlüyünə və suverenliyinə hörmət, BMT Nizamnaməsinə uyğun aparılmasının vacibliyini vurğulayıb.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
