Kubada birgünlük matəm elan edilib
Bakı, 21 may, AZƏRTAC
İran Prezidenti İbrahim Rəisinin və digər yüksəkvəzifəli şəxslərin helikopter qəzasında faciəvi şəkildə həlak olması ilə bağlı Kubada birgünlük matəm elan edilib.
AZƏRTAC xəbər verir ki, bu barədə IRNA agentliyi məlumat yayıb. Kuba hökumətinin bəyanatında bu ağrılı anda İran xalqı və hökuməti ilə həmrəylik ifadə olunub.
Açıqlamaya görə, Kubada bu gün yerli vaxtla səhər saat 6:00-dan başlayaraq sabah günortaya qədər bütün ölkə ərazisində dövlət bayrağı yarıya qədər endiriləcək.
Prezident Migel Diaz-Kanel Bermudes Kubanın xalq tərəfindən sevilən böyük dostunu itirməsindən dərin təəssüf hissi keçirdiyini qeyd edib.
Bölmənin digər xəbərləri
