KÜLLİ MİQDARDA ZİNƏT ƏŞYALARI AŞKAR EDİLMİŞDİR
Dövlət Gömrük Komitəsinin mətbuat xidmətindən AZƏRTAC-ın müxbirinə demişlər ki, Tovuz gömrükxanasının “Sınıq körpü” postunda Türkiyə vətəndaşları Yegen Ayxan və Taqay Zəfərin idarə etdikləri “Mersedes” markalı avtobusdakı yüklərə baxış keçirilərkən bəyannamədə göstərilməyən və gömrük nəzarətindən gizlədilmiş külli miqdarda qızıl zinət əşyaları aşkar edilmişdir. Yoxlama zamanı yüklərin arasında yerləşdirilən çuvalın içərisindən hər biri 1 kiloqram olmaqla 10 ədəd, cəmi 10 kiloqram qızıl külçə, qızıldan hazırlanmış müxtəlif ölçülü və naxışlı xeyli qolbağ və boyunbağı, üzüklər, sırğalar, kulonlar və s. zinət əşyaları tapılmışdır.
Fakt üzrə təhqiqat aparılır.
Bölmənin digər xəbərləri
