KÜRD İŞÇİ PARTİYASI ÖZÜNÜ BURAXMIŞDIR
AZƏRTAC-ın İTAR-TASS agentliyindən aldığı xəbərə görə, Kürd İşçi Partiyasının (PKK) fövqəladə qurultayı təşkilatın buraxılması barədə qərar qəbul etmişdir. Türkiyədə qadağan edilmiş partiyanın qurultayı Şimali İraqda keçirilmişdir.
Partiyanın rəhbər şurasının üzvü Cəmil Bayik qurultayda çıxış edərək bildirmişdir ki, buraxılmış partiyanın əsasında yeni siyasi təşkilat yaradılacaqdır. Qurultay nümayəndələri vurğulamışlar ki, regiondakı yeni şərait yeni siyasi partiyanın yaradılmasını tələb edir. Yeni təşkilat kürd probleminin dinc, demokratik yolla həllinə çalışacaqdır.
Bölmənin digər xəbərləri
