KÜRDLƏRİN DANİMARKA ƏRAZİSİNDƏ FƏALİYYƏT GÖSTƏRƏN “ROJ-TV”Sİ BAĞLANACAQMI?
Türkiyənin Baş naziri Rəcəb Tayyib Ərdoğan hələ mart ayında telekanalı bağlamaq tələbi ilə Avropa İttifaqına müraciət etmişdi. Danimarkanın hakimiyyət orqanları bildirmişdilər ki, Türkiyədən telekanalın qanunazidd fəaliyyətini sübuta yetirəcək konkret faktlar gözləyir.
Çiçəyin sözlərinə görə, telekanal Türkiyə ərazisində fəaliyyət göstərən kürd terrorçu təşkilatlarına, o cümlədən qadağan olunmuş Kürd İşçi Partiyasına açıqdan-açığa informasiya dəstəyi göstərir. Bu faktları təkzib etmək mümkün deyildir. Məsələn, həmin təşkilatların rəhbərləri telekanalda separatçı nitqlər və bəyanatlarla çıxış etmişlər. Danimarkanın kanalı bağlamaq üçün hər cür əsası var.
“Roj-TV” Danimarkanın Mətbuat Katibliyinin sərəncamına əsasən 2003-cü ildən 78 ölkənin ərazisinə, o cümlədən Türkiyə, Suriya, İran və İraqla sərhədlərin qovuşuğunda kürdlərin sıx yaşadıqları bölgəyə, habelə Cənubi Qafqaz respublikalarına kürd dilində, onun dialektlərində, habelə türk, ərəb və fars dillərində yayımlanır.
Bölmənin digər xəbərləri
